ಮುಂದಿನ ಬಾರಿ ನಿಮ್ಮನ್ನು “ದೀರ್ಘಾಯುಷ್ಮಾನ್ ಭವ”ಅಥವಾ “ದೀರ್ಘ ಸುಮಂಗಲೀ ಭವ” ಎಂದು ಮಹಭಾರತ, ರಾಮಾಯಣ ಇತ್ಯಾದಿಸಿರಿಯಲ್ಲುಗಳ ಶೈಲಿಯಲ್ಲಿ ಆಶೀರ್ವದಿಸಿದಾಗ
ಒಂದಿಷ್ಟು ಮುಜುಗರವಾಗುವುದುಬಿಟ್ಟು ಇನ್ನೂಒಂದು ಹೊಸ ಸಾಧ್ಯತೆಗೆ ಅವಕಾಶವಿದೆ. ಅದೇನೆಂದರೆ ಆ ಆಶೀರ್ವಚನ ಸತ್ಯವಾಗಲೂಬಹುದು!
ಏಕೆಂದರೆ ದೀರ್ಘಾಯುಷ್ಯದ ರಹಸ್ಯವನ್ನು ವಿಜ್ಞಾನಿಗಳೀಗ
ಬೇದಿಸಿಬಿಟ್ಟಿದ್ದಾರೆ! ಸಂತೋಷವಾಯ್ತು?
ಆಗದೇಏನು? ದೀರ್ಘಾಯುಷ್ಯ ನಾವು-ನೀವೆಲ್ಲರೂಗುಟ್ಟಾಗಿ ಪೋಷಿಸಿಕೊಂಡು
ಬಂದಿರುವ ಎರಡನೇ ಅತಿದೊಡ್ಡ ಕನಸು. ಮೊದಲನೆಯದು
ಯಾವುದೆಂದು ನೀವು ಕೇಳಬೇಕಿಲ್ಲ, ನಾನೇಹೇಳುತ್ತೇನೆ....
ಅದೇನೂ ನಿಮಗೆ ಗೊತ್ತಿಲ್ಲದ್ದಲ್ಲ-
ಸಾವನ್ನುಗೆದ್ದು ಸದಾ ಬದುಕೇ ಇರಬೇಕೆಂಬ
ಕನಸು. ಪುರಾಣ ಕಥೆಗಳಲ್ಲಿ ಅಮೃತ
ಹುಟ್ಟಿಕೊಂಡಿದ್ದೇ ಈ ಕನಸಿನಿಂದಾಗಿ.
ವೈದ್ಯಕೀಯ ವಿಜ್ಞಾನದಲ್ಲಾದ ಅನೇಕ ಸಂಶೋಧನೆಗಳು
ಮಾನವನ ಸರಾಸರಿ ಜೀವಿತದ ಅವಧಿಯನ್ನು ಬಹಳಷ್ಟು ಹೆಚ್ಚಿಸಿದೆ ಎನ್ನುವುದರಲ್ಲಿ ಅನುಮಾನವೇ ಇಲ್ಲ.
ಆದರೂ, ಆರೋಗ್ಯವಂತನೊಬ್ಬನ ಜೀವಿತಾವಧಿಯನ್ನು ಗಣನೀಯವಾಗಿ ಹೆಚ್ಚಿಸುವಂತಹ ಯಾವ ಸಂಶೋಧನೆಯೂ ಇದುವರೆಗೆ ಫಲಪ್ರದವಾಗಿರಲಿಲ್ಲ. ಅಮೇರಿಕಾದ ಟೆಕ್ಸಾಸ್ ವಿಶ್ವವಿದ್ಯಾನಿಲಯದ ಸಂಶೋಧಕರು
ಕೆಲ ವರ್ಷಗಳ ಹಿಂದೆಯೇ ಈ ನಿಟ್ಟಿನಲ್ಲಿ ಒಂದು ದೊಡ್ಡಹೆಜ್ಜೆಯನ್ನಿಟ್ಟುಇಡೀ ಜಗತ್ತು ಆಸೆಗಳಿಂದ ಅವರತ್ತ
ನೋಡುವಂತೆಮಾಡಿದ್ದಾರೆ.“ಸೈಯನ್ಸ್”ಪತ್ರಿಕೆಯ ಅಂತರ್ಜಾಲಸಂಚಿಕೆಯಲ್ಲಿ
ಬಿಡುಗಡೆಮಾಡಿದ ವರದಿಯಲ್ಲಿ ಜೀವಿತಾವಧಿಯನ್ನುಹೆಚ್ಚಿಸಬಲ್ಲ ನೈಸರ್ಗಿಕ
ಹಾರ್ಮೋನೊಂದನ್ನು ಟೆಕ್ಸಾಸ್ನ
ಡಾ| ಮಕಟೋಕುರೋಓ ಮತ್ತು ಅವರ ಸಹೋದ್ಯೋಗಿಗಳು
ಪತ್ತೆಮಾಡಿರುವುದನ್ನು ಬಹಿರಂಗಪಡಿಸಲಾಗಿದೆ. ಪತ್ತೆಯಾದ
ಈ ಹೊಸ ಹಾರ್ಮೋನಿಗೆ “ಕ್ಲೋಥೋ”ಎಂದುನಾಮಕರಣಮಾಡಲಾಗಿದೆಯಂತೆ.
ಯಾವ ಹೆಸರು ಇಟ್ಟಿದ್ದರೂ ಏನೂ ವ್ಯತ್ಯಾಸವಾಗುತ್ತಿರಲಿಲ್ಲ
ಬಿಡಿ. “ಕ್ಲೋಥೋ”ಎಂಬುದು ಗ್ರೀಕ್
ಮಿಥಕಗಳಲ್ಲಿ ಮಾನವನ ವಯಸ್ಸನ್ನು ನಿರ್ಧರಿಸುವ ವಿಧಿ.
ಅನೇಕ ಪ್ರಭೇದದ ಜೀವಿಗಳಲ್ಲಿ ಮೆದುಳು ಮತ್ತು ಮೂತ್ರಕೋಶಗಳಲ್ಲಿ
ಉತ್ಪಾದಿಸಲ್ಪಟ್ಟು ನಂತರ ರಕ್ತಪ್ರವಾಹದಲ್ಲಿ ಸೋರಿಹೋಗುವ ಈ “ಕ್ಲೋಥೋ”ಎಂಬ ಚೋದಕದ್ರವ್ಯದ ಬೆನ್ನುಹತ್ತಿ ಹೋದ ಕಥೆ ಯಾವುದೇ
ಪತ್ತೆದಾರಿಕಾದಂಬರಿಗೂ ಕಡಿಮೆ ಇಲ್ಲದಷ್ಟು ರೋಚಕ.
ಕ್ಲೋಥೋ ಚೋದಕವನ್ನು ಉತ್ಪಾದಿಸಲು ಕಾರಣ ವಾಗುವವಂಶವಾಹಿಯನ್ನು
ಹೊಂದಿರದ ಇಲಿಯೊಂದನ್ನು ಪತ್ತೆಮಾಡಿದ ಸಂಶೋಧನಾ ತಂಡ ಆ ಇಲಿಗೆ ನಾಲ್ಕೇ ತಿಂಗಳಲ್ಲಿ ಅಕಾಲ ಮುದಿತನ
ಪ್ರಾಪ್ತಿಯಾದ್ದನ್ನು ಗಮನಿಸಿತು. ಎರಡು
ವರ್ಷಗಳವರೆಗೆ ಬದುಕಬೇಕಿದ್ದ ಆ ಇಲಿ ಕೇವಲ ಆರೇ ತಿಂಗಳಲ್ಲಿ ಇಹಲೋಕ ವ್ಯಾಪಾರಮುಗಿಸಿ ಟಾಟಾ ಹೇಳಿದಾಗ
ಡಾ| ಮಕಟೋರಂತಹ ಗಂಟುಮುಖದ ವಿಜ್ಞಾನಿಯೂ
ಕುಣಿದುಕುಪ್ಪಳಿಸಿಬಿಟ್ಟರು. ಇಲಿಗೆಅಕಾಲಮರಣವಾದರೆ
ಡಾ| ಮಕಟೋ ಏಕೆ ಕುಣಿಯಬೇಕೆಂಬ ಅನುಮಾನಉಂಟಾದರೆ
ಈ ಲೇಖನದ ಮುಂದಿನಭಾಗವನ್ನು ನೀವು ಓದುವ ಅವಶ್ಯಕತೆಯೇ ಇಲ್ಲ.
ಇಲ್ಲವಾದಲ್ಲಿ ಡಾ|
ಮಕಟೋಮತ್ತವರ ತಂಡ ಮುಂದೇನುಮಾಡಿರಬಹುದೆಂಬುದನ್ನುನೀವುಊಹಿಸಬಲ್ಲಿರಿ.
ಈತಂಡ ಆನಂತರ ವಂಶವಾಹಿಗಳನ್ನುಕಡಿದು, ಕತ್ತರಿಸಿ, ಬಾಗಿಸಿ, ಬಗ್ಗಿಸಿ, ತಿರುಚಿಮತ್ತಿನ್ನೇನೋ ಮಾಡಿ ಅತ್ಯಧಿಕಪ್ರಮಾಣದಲ್ಲಿ ಕ್ಲೋಥೋಹಾರ್ಮೋನನ್ನು ಉತ್ಪಾದಿಸುವ ಇಲಿಗಳನ್ನುಸೃಷ್ಟಿಸಿದರು.
ಹೀಗೆ ನಮಗೆ ಬೇಕಾದಂತೆ ವಂಶವಾಹಿಗಳನ್ನು
ರಿಪೇರಿಮಾಡುವುದೇ ಜೆನೆಟಿಕ್ಇಂಜಿನಿಯರಿಂಗ್. ಹೀಗೆ
ಸೃಷ್ಟಿಸಲ್ಪಟ್ಟ ಗಂಡು ಇಲಿಗಳ ಆಯಸ್ಸುಶೇಕಡಾ 31 ರಷ್ಟುಹೆಚ್ಚಿತಂತೆ,
ಹೆಣ್ಣು ಇಲಿಗಳಿಗೆ ಸಾಮಾನ್ಯ ಹೆಣ್ಣು ಇಲಿಗಳಿಗಿಂತ
ಶೇಕಡಾ 16ರಷ್ಟು ಹೆಚ್ಚಿನ ಆಯಸ್ಸನ್ನು
ಪಡೆಯಲಷ್ಟೇ ಸಾಧ್ಯವಾಯಿತಂತೆ!.
ಇನ್ನೇನು ದೀರ್ಘಾಯುಷ್ಯದ ಮಾತ್ರೆಗಳು ಮಿರಿಮಿರಿಮಿಂಚುವ
ಹೊದಿಕೆಗಳಲ್ಲಿ ಅಡಗಿಕೊಂಡು ಮೆಡಿಕಲ್ ಸ್ಟೋರ್ ಗಳಿಗೂ
ಅನಂತರ ಮನೆ - ಮನೆಗೂ ಬಂದೇಬಿಡುತ್ತದೆ ಎಂದು ನೀವಂದುಕೊಳ್ಳುವ ಮೊದಲೇ ಕಹಿಸುದ್ಧಿಯೊಂದನ್ನು ಹೇಳುತ್ತೇನೆ.
ಅದೆಷ್ಟುಕಹಿಯೆಂದರೆ ಸಿಹಿಯನ್ನುಅಕ್ಷರಶಃ ನಮ್ಮಿಂದ ಕಸಿದು ಕೊಳ್ಳುವಂತಹದು.
ಕ್ಲೋಥೋಹಾರ್ಮೋನಿನ ಪ್ರಮಾಣ ದೇಹದಲ್ಲಿ ಹೆಚ್ಚಿದ್ದರೆ ಸಕ್ಕರೆ ಕಾಯಿಲೆ ಯುಂಟಾಗುವಸಾಧ್ಯತೆಯೂ ಹೆಚ್ಚಂತೆ!
ಏಕೆಂದರೆ ಈ ಕ್ಲೋಥೋಹಾರ್ಮೋನು ಇನ್ಸುಲಿನ್ ನಿರೋಧಕವಂತೆ.
ಆದರೆ ಜೆನೆಟಿಕ್ ರಿಪೇರಿಗೊಳಗಾದ ಆ ಇಲಿಗಳ ರಕ್ತದಲ್ಲಿ ಗ್ಲುಕೋಸ್ ಪ್ರಮಾಣ ಹೆಚ್ಚದೇ ಇರುವುದು ಸಮಾಧಾನದ ಅಂಶ.
ನೂರಕ್ಕಿಂತಲೂ ಹೆಚ್ಚುವರ್ಷದಿಂದ ಈ ಭೂಮಿಯ ಮೇಲೆ ಬದುಕಿಯೇ ಇರುವ ದೀರ್ಘಾಯುಷಿಗಳಲ್ಲಿ ಈಕ್ಲೋಥೋಹಾರ್ಮೋನಿನ ಪ್ರಮಾಣ ಎಷ್ಟಿದೆಎನ್ನುವುದನು ಪತ್ತೆಮಾಡುವಲ್ಲಿ ಈಗಾಗಲೇಸಂಶೋಧನಾ ತಂಡ ನಿರತವಾಗಿದೆ.
ಕ್ಲೋಥೋಹಾರ್ಮೋನಿನ ಸ್ರವಿಸುವಿಕೆಯ ಪ್ರಮಾಣವನ್ನು ಹೆಚ್ಚುವಂತೆ ಮಾಡುವುದು ಅಥವಾ ಬಾಹ್ಯಮೂಲದಿಂದ ಇದನ್ನು ಮಾನವದೇಹಕ್ಕೆ ಸೇರಿಸಿಆಯುಷ್ಯವನ್ನು ವೃದ್ಧಿಯಾಗುವಂತೆಮಾಡುವುದು ಈ ತಂಡದಮುಂದಿನಹೆಜ್ಜೆ.
ಇದು ಸಾಧ್ಯವಾದರೆ ಮುಂದಿನ ತಲೆಮಾರಿನ ಜನರ ಆಯುಷ್ಯ ವೃದ್ಧಿಸಬಹುದು.
ಆದರೆ, ಹೆಚ್ಚಿದ ಆಯುಷ್ಯವಿಡೀ ಸಕ್ಕರೆ ಕಾಯಿಲೆಯಿಂದ ಬಳಲುವಂತಾಗಲೂಬಹುದು!.
-ಉದಯ ಗಾಂವಕಾರ(ಐದು ವರ್ಷಗಳ ಹಿಂದೆ ಪ್ರಕಟಗೊಂಡ ಲೇಖನ ,ಪ್ರಚಲಿತ ಸುದ್ದಿಯ ಪ್ರಭಾವಕ್ಕೊಳಗಾಗಿದೆ)
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ